تفسير سورة عبس

الترجمة التلجوية

ترجمة معاني القرآن الكريم للغة التلغو ترجمها مولانا عبد الرحيم بن محمد، نشرها مجمع الملك فهد لطباعة المصحف الشريف بالمدينة المنورة، عام الطبعة 1434هـ،

1- ﴿بِسْمِ اللَّهِ الرَّحْمَٰنِ الرَّحِيمِ عَبَسَ وَتَوَلَّىٰ﴾

అతను (ప్రవక్త) భృకుటి ముడి వేసుకున్నాడు మరియు ముఖం త్రిప్పుకున్నాడు;

2- ﴿أَنْ جَاءَهُ الْأَعْمَىٰ﴾

ఆ గ్రుడ్డివాడు తన వద్దకు వచ్చాడని!

3- ﴿وَمَا يُدْرِيكَ لَعَلَّهُ يَزَّكَّىٰ﴾

కాని నీకేం తెలుసు? బహుశా అతడు తనను తాను సంస్కరించుకోవచ్చు!

4- ﴿أَوْ يَذَّكَّرُ فَتَنْفَعَهُ الذِّكْرَىٰ﴾

లేదా అతడు హితబోధ పొందవచ్చు మరియు ఆ హితబోధ అతనికి ప్రయోజనకరం కావచ్చు!

5- ﴿أَمَّا مَنِ اسْتَغْنَىٰ﴾

కాని అతడు, ఎవడైతే తనను తాను స్వయం సమృద్ధుడు, అనుకుంటున్నాడో!

6- ﴿فَأَنْتَ لَهُ تَصَدَّىٰ﴾

అతని పట్ల నీవు ఆసక్తి చూపుతున్నావు.

7- ﴿وَمَا عَلَيْكَ أَلَّا يَزَّكَّىٰ﴾

ఒకవేళ అతడు సంస్కరించుకోక పోతే నీపై బాధ్యత ఏముంది?

8- ﴿وَأَمَّا مَنْ جَاءَكَ يَسْعَىٰ﴾

కాని, ఎవడైతే తనంతట తాను, నీ వద్దకు పరుగెత్తుకుంటూ వచ్చాడో!

9- ﴿وَهُوَ يَخْشَىٰ﴾

మరియు (అల్లాహ్ యెడల) భీతిపరుడై ఉన్నాడో!

10- ﴿فَأَنْتَ عَنْهُ تَلَهَّىٰ﴾

అతనిని నీవు నిర్లక్ష్యం చేస్తున్నావు.

11- ﴿كَلَّا إِنَّهَا تَذْكِرَةٌ﴾

అలా కాదు! నిశ్చయంగా, ఇది (ఈ ఖుర్ఆన్) ఒక హితోపదేశం.

12- ﴿فَمَنْ شَاءَ ذَكَرَهُ﴾

కావున ఇష్టమున్నవారు దీనిని స్వీకరించవచ్చు!

13- ﴿فِي صُحُفٍ مُكَرَّمَةٍ﴾

ఇది ప్రతిష్ఠాకరమైన పుటలలో (వ్రాయబడి ఉన్నది);

14- ﴿مَرْفُوعَةٍ مُطَهَّرَةٍ﴾

మహోన్నతమైనది, పవిత్రమైనది;

15- ﴿بِأَيْدِي سَفَرَةٍ﴾

లేఖకుల (దేవదూతల) చేతులలో;

16- ﴿كِرَامٍ بَرَرَةٍ﴾

వారు గౌరవనీయులైన సత్పురుషులు (ఆజ్ఞానువర్తనులు).

17- ﴿قُتِلَ الْإِنْسَانُ مَا أَكْفَرَهُ﴾

మానవుడు నాశనం గాను! అతడు ఎంత కృతఘ్నుడు!

18- ﴿مِنْ أَيِّ شَيْءٍ خَلَقَهُ﴾

ఆయన (అల్లాహ్) దేనితో అతనిని సృష్టించాడు?

19- ﴿مِنْ نُطْفَةٍ خَلَقَهُ فَقَدَّرَهُ﴾

అతనిని వీర్యబిందువుతో సృష్టించాడు తరువాత అతనిని తగిన విధంగా తీర్చిదిద్దాడు.

20- ﴿ثُمَّ السَّبِيلَ يَسَّرَهُ﴾

ఆ తరువాత, అతని మార్గాన్ని అతనికి సులభతరం చేశాడు;

21- ﴿ثُمَّ أَمَاتَهُ فَأَقْبَرَهُ﴾

ఆపైన అతనిని మరణింపజేసి గోరీ లోకి చేర్చాడు;

22- ﴿ثُمَّ إِذَا شَاءَ أَنْشَرَهُ﴾

మళ్ళీ ఆయన (అల్లాహ్) కోరినప్పుడు అతనిని తిరిగి బ్రతికించి లేపాడు.

23- ﴿كَلَّا لَمَّا يَقْضِ مَا أَمَرَهُ﴾

అలా కాదు, ఆయన (అల్లాహ్) ఆదేశించిన దానిని (మానవుడు) నెరవేర్చలేదు.

24- ﴿فَلْيَنْظُرِ الْإِنْسَانُ إِلَىٰ طَعَامِهِ﴾

ఇక, మానవుడు తన ఆహారాన్ని గమనించాలి!

25- ﴿أَنَّا صَبَبْنَا الْمَاءَ صَبًّا﴾

నిశ్చయంగా మేము నీటిని (వర్షాన్ని) ఎంత పుష్కలంగా కురిపించాము.

26- ﴿ثُمَّ شَقَقْنَا الْأَرْضَ شَقًّا﴾

ఆ తరువాత భూమిని (మొలిచే మొక్కలతో) చీల్చాము, ఒక అద్భుతమైన చీల్పుతో!

27- ﴿فَأَنْبَتْنَا فِيهَا حَبًّا﴾

తరువాత దానిలో ధాన్యాన్ని పెంచాము;

28- ﴿وَعِنَبًا وَقَضْبًا﴾

మరియు ద్రాక్షలను మరియు కూరగాయలను;

29- ﴿وَزَيْتُونًا وَنَخْلًا﴾

మరియు ఆలివ్ (జైతూన్) మరియు ఖర్జూరపు చెట్లను;

30- ﴿وَحَدَائِقَ غُلْبًا﴾

మరియు దట్టమైన తోటలను;

31- ﴿وَفَاكِهَةً وَأَبًّا﴾

మరియు (రకరకాల) పండ్లను మరియు పచ్చికలను;

32- ﴿مَتَاعًا لَكُمْ وَلِأَنْعَامِكُمْ﴾

మీకు మరియు మీ పశువులకు జీవన సామగ్రిగా!

33- ﴿فَإِذَا جَاءَتِ الصَّاخَّةُ﴾

ఎప్పుడైతే, చెవులను చెవిటిగా చేసే ఆ గొప్ప ధ్వని వస్తుందో!

34- ﴿يَوْمَ يَفِرُّ الْمَرْءُ مِنْ أَخِيهِ﴾

ఆ రోజు, మానవుడు తన సోదరుని నుండి దూరంగా పారిపోతాడు;

35- ﴿وَأُمِّهِ وَأَبِيهِ﴾

మరియు తన తల్లి నుండి మరియు తండ్రి నుండి;

36- ﴿وَصَاحِبَتِهِ وَبَنِيهِ﴾

మరియు తన భార్య (సాహిబతి) నుండి మరియు తన సంతానం నుండి;

37- ﴿لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ﴾

ఆ రోజు వారిలో ప్రతి మానవునికి తనను గురించి మాత్రమే చాలినంత చింత ఉంటుంది.

38- ﴿وُجُوهٌ يَوْمَئِذٍ مُسْفِرَةٌ﴾

ఆ రోజు కొన్ని ముఖాలు ఆనందంతో ప్రకాశిస్తూ ఉంటాయి;

39- ﴿ضَاحِكَةٌ مُسْتَبْشِرَةٌ﴾

అవి చిరునవ్వులతో ఆనందోత్సాహాలతో కళకళలాడుతుంటాయి.

40- ﴿وَوُجُوهٌ يَوْمَئِذٍ عَلَيْهَا غَبَرَةٌ﴾

మరికొన్ని ముఖాలు ఆ రోజు, దుమ్ము కొట్టుకొని (ఎంతో వ్యాకులంతో) నిండి ఉంటాయి.

41- ﴿تَرْهَقُهَا قَتَرَةٌ﴾

అవి నల్లగా మాడిపోయి ఉంటాయి;

42- ﴿أُولَٰئِكَ هُمُ الْكَفَرَةُ الْفَجَرَةُ﴾

అలాంటి వారు, వారే! సత్యతిరస్కారులైన దుష్టులు.

عبارات مقترحة:

الخالق

البر

الواحد

تفسير عبس

الترجمة التلجوية - తెలుగు