May dumating na isang karaban; pagkatapos ay nagpadala sila ng magpapainom sa kanila ng tubig, at ibinaba nito ang timba nito sa balon. Naglambitin si Yūsuf sa lubid. Noong nakita siya ng naglugay ng lubid ay nagsabi ito habang natutuwa: "O nakagagalak na balita sa akin! Ito ay isang batang lalaki." Ikinubli siya ng tagaigib nila at ng ilan sa mga kasamahan nito sa nalalabing mga tao ng karaban, habang mga nag-aakalang siya ay isang paninda na mailalako nila. Si Allāh ay Maalam sa ginagawa nila kay Yūsuf na pagwawalang-dangal at pagtitinda: walang naikukubli sa Kanya mula sa gawa nila na anuman.